Piaggio M. - Poesie 1846/Varietæ/Sûnetti/Rimedio pe-e Grondann-e

Da Wikivivàgna
Sûnetti de Martin Piaggio
Rimedio pe-e Grondann-e
(ediçion Pagan - 1846)
[p. 868 modifica]
RIMEDIO PE-E GRONDANN-E



Sûnetto.


Recipe d’amô patrio ûn scrupoletto,
Et due dramme de bonn-a voentæ,
Un massacan con mëzo garsonetto,
Trei päli, quattro töe, de corde ûzæ;

Recipe agûi, martello, fî-ferretto,
Et quantum satis de bande stagnæ,
Ciungio, peixe, saldôu, fêugo, sciûscietto,
Et ûn stagnin chi fasse de cannæ;

Recipe ûnn-a picchetta, da cäsinn-a,
Adde da porçellann-a, e pochi moîn,
Et juxta l’aforismo de Reginn-a;

Applica a-i teiti in gïo per guarnizion,
Secchiä e Grondann-e a rëo con sta meixinn-a
Solvet omnia l’aumento de pixioîn.