Piaggio M. - Poesie 1846/Varietæ/Rimma trovâ
| ←Bonn-a nêutte dæta a tempo | Poexie de Rimma trovâ |
Contro-Risposta→ |
| (ediçion Pagan - 1846) |
Unn-a nescia de Scignöa,
Chi passava per dottöa,
Mentre a l’ëa in conversazion,
A-o so solito a dettâ,
Voendo mette in sûggezion
Çerto Poeta, e fâo bûrlâ,
A ghe disse, c[’]o dixesse
Un vocabolo chi fesse
Co-a so scuffia rimma bonn-a;
L’è imposcibile, Padronn-a,
O rispose franco, e ben:
E perchè? Poeta mincion!....
Perchè quello chi apparten
A ûnn-a testa comme a sò
N’ha ni rimma, ni raxon.
Bella Rimma che trovò.