Piaggio M. - Poesie 1846/Varietæ/Nêuva morte tragica
| ←O Filosofo | Poexie de Nêuva morte tragica |
Bonn-a nêutte dæta a tempo→ |
| (ediçion Pagan - 1846) |
Un Poeta rebellôu:
Propriamente da commedia,
E che ghe spûssava o sciôu
O compose ûnn-a Tragedia,
E ûn Alfieri o se stimmò;
Ma scicomme o no saveiva
Comme fâ ammassâ chi o voeiva
Da ûn Letterato o l’andò;
E o ghe disse, per piaxeì
Che o ghe desse ûn pö de paeì
Per trovâ ûnn-a morte nêuva;
Che o veleno, o færo, e o fêugo
Son ûzæ, e no gh’han ciù lêugo,
E ûnn-a pronta, o no ne trêuva.
Ghe rispose o Letterato
Fælo moî cö vostro fiato.