Piaggio M. - Poesie 1846/Varietæ/A Serenata
| ←Contro-Risposta | Poexie de A Serenata |
L'Ommo in mëzo a due Donne→ |
| (ediçion Pagan - 1846) |
Unn-a seja Checco Gælla
Mëzo sciollo, andò a cantâ
Co-a chittära descordâ
Dä bûttega da sò bella;
Quella incangio de sciallâse,
A fè mostra d’arraggiâse
E de cianze; Cattainin?
O ghe disse, e cose ti hæ
Che ti cianzi? vitta mæ!...
No te gûsta o mæ cantâ? ...
A rispose ammagonâ
Cianzo ûn aze, che meschin
Questo mazzo o me creppò
C'ûnn-a voxe comme a tò.