 |
Questa pagina a no l'è stæta corretta. | |
― 6 ―
Se ghe stava mei na vota
quando l’ea ciù picenina,
e ne gh’ea lazù aa maina
nì a funtana e nì o giardin.
Aloa ’r vin i vaeva pogo,
poghi citi ’r pan aa lia,
aoa ’nvece i ne se pia
se ne s’ha d’i bon quatrin.
Aloa là dae cà operaie,
ent’o cian de Piandarana,
la ghe fava dea trebiana
che la dava der bon vin.
Ghe nasseva dee oive
su pe er monte dea Bastia,
aoa i han tuto cacià via
per fae ’r grande muagion.
Là ’nte ’r pian de Migiaina
ghe vegniva d’i bei coi,
aoa envece, d’aloa en poi,
ne ghe ven manco i lupin.
