 |
Questa pagina a l'è stæta corretta. | |
― 15 ―
Che perciò trovae en rimedio
propio bon l’ea necessaio
e per questo i s’eo decisi
de mandane en comissaio,
ch’i metesse e cose a posto
e ch’i fasse cunumia,
ch’i guaisse ensuma a Speza
daa se’ grande malatia.
Gh’è de quei che envece i dizo
ch’i l’han fato per levae
d’en consegio i radicali
e no fágheli tornae.
I ve dizo che er governo
i l’han propio misso sù
dui o trei ch’i eo ent’a giunta
e i ni gh’i vurevo ciù.
Fato sta che dopo pogo
ch’è vegnù er gran decreto,
capitò chi aa Speza n’omo
d’en Piamonte coo direto.
