 |
Questa pagina a l'è stæta corretta. | |
XX.
Tu es rex Judæorum? Dicit illi Jesus: Tu dicis.
S. Matteo, xxvii, 11.
E guardie dopo avelo ’nmanetà
Come s’i fusse ’n ladro o n’assassin,
Ir porteno ’nte ’n sito lì avesin
Perchè i fusse da Caifa ’nterogà.
Aloa Caifa, ch’i ea ’r vesco: - A te, i ghe fa,
I me dizo che t’ei ’n gran berechin,
Che te dezandi i grandi e i picenin,
E che te fè dee cose che ne va.
L’è veo che t’ei en re? - E sì ch’a o son.
- Dilo ’n po’ n’autra vota! - A o son, e sì!
- E re de cose? re di me’ coion?
E i ciamè e guardie, e i ghe dizè: - Ciapè,
Feme ’r piazee, levemelo de chì,
E demoeve ’n po’ cor vostro re!
