 |
Questa pagina a l'è stæta corretta. | |
VI.
Et ecce mulier quæ erat in civitate peccatrix...
attulit alabastrum unguenti;
Et stans retro secus pedes eius, lacrymis cæpit
rigare pedes eius... et osculabatur pedes eius,
et unguento ungebat.
S. Luca, vii, 37, 38.
E l’autro a n’o savè, dea Madalena,
Una de quele propio da strapasso?
Na sea la ’r va a trovae ’nmentre ch’i è a sena
Co’ ’n vaso cen de roba sot’ar brasso.
La se despea, la cianza da fae pena,
E la ghe diza: Lassa ch’a t’abrasso!
Poi la ghe lava i pe’ sporchi d’aena,
E la gh’i unza ben co’ en po’ de grasso.
Fra quei ch’ea lì la gh’ea anca ’n ministro
Di Farisei ch’i fè: - Mia lì Gesù
Ch’i se fa fae i gnochi da ’n registro!
- Ne ghe dè a mente, e lassè pue ch’i canta,
I fè o Signoe, e miè de no fae ciù
A cosa... e me a mieò de fave santa!
