 |
Questa pagina a l'è stæta corretta. | |
44. « O che mondo stravagante!
Me chì a resto ’nsemelì!
A l’ho fata da ignoante
A moie per vegnie chì!
45. Squasi squasi, se San Peo
I m’areva anca ’r porton,
A retorno ’n po’ daveo
A fae torna ’r pelandron! »
46. Ma San Peo ch’i sentì tüto:
« Speta » i disse « speta a me!
Ciapa sü! » e-i ghe molò ’n brüto
Causso propio chì a daré.
47. E i ghe disse: « N’autra vota
T’ampaeè, brüto porcon! »
Batiston, sentindo a bota,
« Ho capì » i fé « a ghe son! »
48. Moco moco, a parte lesa
Con paciora i se gratò,
E molando na coresa,
(Con rispeto) i se n’andò.
