 |
Questa pagina a l'è stæta corretta. | |
29. I è o tranbai, che finarmente
(A vedé se a Società
La fenì per dane a mente!)
Paa ’mpossibile, ma i va!
30. Là daa ciassa i dé n’ociada
Donde adesso i cacio zü:
« O mia lì, che carognada! »
I fé sübito ’ntra lü.
31. « Cos’i’n fan der me palassio,
Dea Meana e de Bernà?
Aimedio! ch’i vago a spassio,
Ch’i m’han tüto roviná!
32. Per fae cose? ’n monümento
De pantan pietrificà!
Deghe o nome de cimento,
Ma l’è süpa e pan bagnà! »
33. L’ea za scüo, e i assendevo
Lüze eletrica e lampion,
Che daa lünte i ghe paevo
Tante nissoe a Batiston.
34. E coi lümi i dava a mente
Sempre a neve novità,
Cose neve, e neve gente
Ch’i corivo pea sità.
35. Chì ofissiali, là mainai
Pee büteghe o pei cafè,
O pei stanchi dai sigai,
O ’n tranbai, ’n carossa, o a pe’.
