 |
Questa pagina a no l'è stæta corretta. | |
36 s. MATTE.
26 Nun aggiæ dunque puia de lu; perchè nun è ninte d’ascuzu che u n’agge da ese scuværtu, e ninte che nu se sacce che nu s’agge da vegnî a saveì.
27 Quellu che mi diggu ne ê tenebre vuì dîlu ne а lüxe, e predichæ in sci teiti quellu che v’è stætu ditu in te l’uegia.
28 E nu temeì quelli che ammassan u corpu, e nu peuan ammassâ l’anima; ma ciütostu agiæ puia de quellu cu peu mandâ in perdisiun e l’anima e u corpu all’infernu.
29 Nun è furse vèu che due passue se vendan ün quattrin, e ünha sula de queste a nu cazzià in tærа sensa a vuentæ de vostru Puæ?
30 E scin i cavelli da vostra testa sun stæti cuntæ.
31 Nu temeì, vuì seì da ciü che multe passue.
32 Tütti quelli dunque che me ricunusciàn davanti a i ommi, anche mi i ricunusciò davanti a mæ Puæ che u l’è in sê:
33 E tütti quelli che me rineghiàn davanti a i ommi, e mi i rineghiò davanti a mæ Puæ cu l’è in sê.
34 Nu pensæ che segge vegnüu a mette a paxe in scia tæra: nu sun vegnüu a mettighe a paxe, ma а guæra.
