 |
Questa pagina a no l'è stæta corretta. | |
Con raxon ro má guardo in traversinna
Perchè come intro in má me sento má
Si che in má poero un pesso fuò de má,
Ni dormí posso, si ro má me ninna,
E spesso egua da beive n'hò stizzinna
Ni veggo in má sarvo egua chi è sará
E dentro l'egua hò poira de bruxá
E corro d'assettaou pe ra marinna,
Ma corrando a ra fin dago intr'un scoggio
O che quarche corsá per má m'afferra
Che moé ne ha ben, chi in má stà tuttavia.
E chi dro má, chi è senza fè, se fia
Infin se trova con re neghe a moggio
Però laudo ro mám si stago in terra.
1
Donne che sempre in bocca "gioia" havei,
E per ogni parola "gioia" dí,
Per natura re gioie gustá dei
Puoessia che sempre in bocca re tegní,
E de raxon dei vorentera vei
Pe re suoe belle gioie, ri giolí
Però davanti a vui vegnui semo
Nui, che dre belle gioie se trovemmo.
