Pagina:Rime diuerse in lengva zeneise 1575.djvu/18

Da Wikivivàgna
Sata a-a navegassion Sata a-a serchia

Con re piccozze in orde, e aparegié
Per schiapave re legne chi vegnimo
E s'intri boschi lavorá ne fé
Ro lavó se no chiove ben compimo.
E a voi chi rente a vei schiapá ne sté
Ro cuo no men dre legne ben v'arvimo
Se ben ro cuo chiu duro ve trovemo
Che re chiu dure legne che schiapemo.

2
Se ben re legne verde ve trovemo
Tanto ben ve re semo nui schiapá,
Ch'attacaghe ro fogo presto femo
Senza che troppo ghe fassé sussá.
E boggí ra pignata ve fassemo
Como missa l'havei su ro brandá
Ben che sen legne verde in sugo ancora
Che bruxando ro lete zu ghe scora.

3
Se legne sotta verde hemo d'Arví
Quando ferle novelle dí se pon
Megio, e chiu vorenté i uzemo arví
Ca quando per vegiezza secche son,
Donca fin che i havei verde e gentí
Schiapavere dei fá da schiapao bon
Che fá schiapá re veggie no trové
Sarvo se ro schiapao no strapaghé.