 |
Questa pagina a no l'è stæta corretta. | |
12Trovo che l'è miracoro d'Amò
Pò che de voi son tanto inamoraou,
Chi me fa questo novo e gran favò
Dro quà ghe resterò sempre obrigaou,
O fa che sta comeigo ro me Sò,
E quando dormo, e quando son dessaou,
E ande* pu lonzi quanto vorei voi,
Sei per forza d'Amò sempre con mi.
13Così mi no bezogno d'Impentò
Chi ve veghe, e ne cave ro retreto
Dapò che dri boin Meistri ro megiò
De so man così bello me l'ha feto:
Ro Meistro che mi digo è un gran segnò
E senza pagamento o me l'hà deto,
E ro retreto ha tà proprietè
Che mi solo ro vego sempre moè.
14E tutti i atri se ro voren vei
No ro pon vei se no v'aguardan voi,
E se voi mesma ro voressi vei
Voi no poei manco senza un spegio vui;
De moò che quanto tocca pe ro vei
Goo da voi quarche avantagio mi,
Ma quanto tocca pò pe ro toccà
Voi havei avantagio, e no se po negà.
