 |
Questa pagina a no l'è stæta corretta. | |
30
E conossando che a l’havea raxon
E che tutto era vei zo che o ghe disse,
Se ghe chiodè de sorte ro muzon,
Che o ste tre hore prima che o l’arvisse.
Puessa o zurà però* so Dè Macon
De no vorrei cellà chi ro crovisse
Che quella che Rolando se guagnà
A ro tempo che Armonte ò l’ammazzà.
31
De questo zuramento o fè chiù caso
Che o n’haveiva za feto dro promè
E de li se partì con tanto naso
Che un bergamasco non havea meste*
Ma lassemoro andà perche l’è raso.
E senza in testa, per amò de Dè.
E trovemo Rinardo Paladin
Che se ne ze per un megiò camin.
32
Rinardo si no zè gueri, che o vi
Baiardo chi ro sò cavallo fò,
E o ghe disse: per Dè fermate lì,
Che l’esse senza ti no me fà prò,
Ma craou che ro cavallo chi l’odì
Fra le disesse: e' no me fermo, nò.
Ma lassemoghe andà Rinardo appruoevo.
E parlemo d’Angelica de nuoevo.
