 |
Questa pagina a no l'è stæta corretta. | |
53
Allontò[sic] piglià a gonella
i treuxi, e ri cazè
l'archibuxo, e ra cottiella
ch'eran tutti ben lustrè
54
Sciù Zaninna piglia o busto
quello corrò de ponsò
preche voeglio ch'haggian gusto
de no veine atro come ro tò
55
Metti sciù a capellinna
a camixa recamà
re fadette de bombaxinna
ro strigion, e ro scozà
56
Così tutti quenti insemme
lò se missan in camin
pre che l'è cosa che premme
e arrivàn l'atra mattin
57
O corriè mirà a fantinna
e o l'arrestà maraveggioù
disse: benvegnua Zaninna
oreì fà sto parentuò[?]
58
Ma ra figlia ch'era accorta
a no disse ne si ne nò
e à sò Puoere fè ra scorta
con dì: Puoere, cose dirò[?]
59
Allontò o Puoere da figgia
o ne comenzà à parlà:
Diggo à vuoì ra me famiglia
atto sciù, che stemmo à fà
60
Ri suoè frè: semmo contenti
dixan, Puoere, de cose fè
così dixan i Paenti
e Labuò che respondè
