 |
Questa pagina a no l'è stæta corretta. | |
5
Così pre comensaa
e dì re me raxoin
vuoeggio ben deciarara
con re suoè sodisfatioin
pre tanto voeggio pregave
prestame un pò d'attention.
flon flon etc.
6
Per dive quattro frasche
e fà un pò Carlevà
besuegna che m'attacche
e comense à parlà
onde se straparlasse
ne domando perdon.
flon flon etc.
7
Avanti cicisbei
vegnì tutti ascotà
pre che son ressoluto
mi assì cicisbeà
da puoè che quest'usanza
a me dà in te l'umò.
flon flon etc.
8
L'usanza sarè schietta
se solesse d'uzà
d'andane à ra brasetta
come se sole andà
pre fane come à modda
de Marseggia, e de Tolon.
flon flon etc.
9
Ma à mi poveo compagno
miegio usanza me pà
d'andamene in Bezagno
ò à ca' de Caminà
e fà o Cicisbeo
con un doggio de vin bon.
flon flon etc.
