 |
Questa pagina a no l'è stæta corretta. | |
9
Starè dre giornè tante
senza mangià de pan
stenterè come un can
solo per veive
10
Seì gianca come neive
sei bella come un sò
e de ciù assè splendò
che non è ra lunna
11
Ma ve parrò importunna
quelle vostre bellezze
con quelle bionde trezze
vuoeggio laudà
12
L'è un gusto in mirrà
ra goa gianca de vuoi
che tutta à veì sciorrí
canestrelletti
13
E puoeran pignoretti
i vostri dentin novelli
e lavorè son quelli
à fì de granna
14
Manco a stella dianna
a non resplende tanto
come vuoi in'ogni canto
e in sciù ra festa
15
Se seì à ra fenestra
parreì giusto unna dea
e chi ve mira in ciea
se v'inchinna
16
Parrei unna Reginna
à ro spiegio mireve
beneito sè a muoere
che v'ha feto
17
Mi resto stupefeto
in veì quello bocchin
che o pà perle, e rubin
da infià
