 |
Questa pagina a no l'è stæta corretta. | |
3
Così correndo dentro un Tanabugo
Ro meschin s'intaffura a moen scrollando
E fin all'hora dro Rattopenugo
O stè Bacco, e Cupido giastemando
In tanto Poro Andria là tutt'in sugo
Stava re soe fortunne fabricando
Così va o Mondo, mentre quello è rauzo
Questo trionfa in giubilo, in appraozo.
4
Lì se ne stava ro sciò Por'Andria
A uzà con re soe Dame diligenza
Che un Aze comperdon dra compagnia
N'havereiva portoù tanta patienza
E figurandose intra fantasia
L'urtimo segno dra corrispondenza
Zà zà se pà vittorioso, e stima
De portà da o so ben ra spoeggia prima
