 |
Questa pagina a no l'è stæta corretta. | |
37
Barcoin de gratie, scattore de ghocchi[sic]
Strazze beneite, onde tra lista, e lista
Se vè li sparegà serti regnocchi
Chi tiran lampi d'ascurì ra vista
Strazze mè care, così fete in tocchi
Perche ra mè feria reste provista
Mentre Amò per mostrà re soè proezze
M'ha deto a mi re ciaghe, a liè re piezze.
38
Cara, e strassosa sì, ma riccamente
Chiù bella assè con manco robe intorno
Come compà chiù bello, e chiù stellente
Manc'ombrezoù da nuvore ro giorno
Come pà ben l'aniello resprendente
Che a posta ha rettaggioù ro guante attorno
Così queste Bellesse benedette
Per pompa de natura poverette.
