 |
Questa pagina a no l'è stæta corretta. | |
53
Tutti inteizan ro zerbo, e invexendè
Ro Coego, ro Trinciante, e o Credenzè*
Destendan quella poca caritè
Poè, chi assettoù, e chi mangia d'in piè*
L'amigo dixe, brindesi a chi ha sè
Ma prima quattro votte o chiorla liè
Noi nettezammo miegio infin ri piatti
Che in tempo de Capitolo ri Fratti.
54
Gh'era fra i atri un tà chi havè desvitto
E desguernì sei Piatti in men d'un ame
E con quello dietto sì politto
No mondavan zà nespore re Dame
Dixan l'egua sarà mette appettitto
E mi diggo, Ra dose, mette fame
Poè, chi canta, chi dorme,* chi fa ben
Così ra Barca va, ra noette ven.
