 |
Questa pagina a no l'è stæta corretta. | |
15
E così stanchi lì da ro travaggio
Se repossammo fin à e dixinoeve,
Poè nò contente d'esse stete à Ottaggio,
Mostran gusto re Dame d'andà à Noeve,
Coscì eccave un sgroexoro, un dramaggio
Piggia chì, chiappa là, ogn'un se moeve,
Avanti infin che foisse noette scura
Arrivammo à rà vista drà chianura.
16
Onde vegnine incontra li se veiva
Con diversi Cavalli accompagnoù
Un Canonico Maino chi parreiva
L'Abbate de Cocagna lì spuoù*
E lì chi saruava, e riveriva,*
Chi dixe ben vegnuo, chi ben trovoù,
E viva Emilio, Ergasto, e a ro so honò
Viva ra cortesia dro Bonsignò.
