 |
Questa pagina a no l'è stæta corretta. | |
13
Hò scorso dri perighi à ri mè dì,
M'ho piggioù quarche mara becchizanna
Con ro Lebeccio drito, e miezo dì
Chiù de seme n'ho passou chiaza Romanna
Un'atra votta à ra Perosa assì
Vossi perde ra Stella Tramontanna
E se no stava con l'aggiaxo in stecca
Restava impatanoù li sciù unna Zecca
14
Un giorno con miè frè d'intre l'arbò
M'ossi ingorfà in canà con tempo grosso
Ma reniego ro corpo d'un treitò
A roziggià piggiammo un cattiv'osso
Buttammo zù ro bello, e ro megiò
E ro Mà sempre intrava à chiù no posso
Tanto che pù de poira, e de sguazzumme
Investimmo unna ciaza intro sbattumme
