 |
Questa pagina a no l'è stæta corretta. | |
1
Scaggiuoera all'hommo son ri piaxei,
Che dà ro mond'e [assende] ro peccoù,
Che, quant'ingordi ciù no mangierei,
Ro gusto n'hei delongo ciù abbrascoù,
Quanto ciù comme vin ne beverei,
Ro cuoe ne sarà sempre ciù adescoù,
Quant'o reposa ciù, sempr'è ciù stanco,
Quant'o l'aroba ciù, sempr'o n'ha manco.
2
S'o resta sodisfęto d'unna cosa,
Ghe ven d'un atra subito appetitto,
Travaggia di, e nuoette, e non reposa,
Comm'o l'ha ghe ven subito desvitto,
Nisciun capisce, quest'è unna gran cosa,
Che quando vegnirà ro Giexuitto,
A ro finí dra vitta, in quello pointo
Bezuoegnerà de tutto rende quinto.
3
O quanto gh'e da fá, ch'esce de ballo
Un, che con ro peccoù vuoé vive unio,
Se Dio no ro fa caze da cavallo,
Comm'o fè a san Poro, l'e spedio,
Azonze corpe a corpe, e fallo a fallo,
E in quella consuetudine inveggio,
Ven ra morte, pensé che confessioin
Puoé fá lantó ben si confusioin.
4
Sti té stan dri bell'agni a confessase,
E a Pasqua solamente ro faran,
