 |
Questa pagina a no l'è stæta corretta. | |
Me caccio in letto, e appenna
Ghe poso unna mezenna,
Ch'incommenso a dormí,
Dormo comm'in sto bosco dorme un Gí.
In tro miegio dra festa,
Eccate in hora bonna
Con ri fummi a ra testa,
Ro vin commensa a fá de so personna,
In tro ciù bello, o Muoere dro Segnó!
Pá che sente un foró,
Dessan fuoego a un cannon,
E un poco ciù vexin
Me pareiva sentí doi tamborlin,
E mentre chì tremando staggo basso,
Sent'un atro fracasso,
Un atro tremeluoerio,
Che paré che buttassan zù re porte.
Intra subito un, ch'a mi me pá
Ch'o foise li spuoù Barbazerá.
Gh'eran dixuoetto sbiri assì con lé,
Chi me fen giastemmá ro sò mesté,
Perchè o pareiva in fin così a bell'axo,
Che m'oressan mená verso Paraxo.
Lantó ghe diggo: Adaxo;
Zoveni chi sercavo? ola fermeve.
Serchemmo un serto Preve.
Che ve vegne ro froscio,
Diggo lantó, lascieme un po dormí,
Che mi non ve conoscio,
E non sò chi ve sei, ni lé, ni vuoi.
