 |
Questa pagina a no l'è stæta corretta. | |
D'un groppo così bello, e così bon,
Miegio che quello ancon dro ma mascion,
Massime, che l'havemmo desgroppoù
Così fito a ra man,
Miegio assé ch'Alexandro l'Imperoù,
Quando o desfè ro groppo Gordian;
Ond'in restreito per elettion,
E per necessité
Tutti semmo oblighé
Con bocca doze sempre muôe parlá
Dre bonne qualité dra scia comá.
Invio ad oxellá
Lustrissima Patronna,
Ra congiontura è bonna,
Ro temp'è sciuto e ro paeise è netto,
E va passando quarche frenguelletto,
Ro visco ha ro seguro,
Da puoe che l'hemmo misso,
Si ben che ro signor Pero Durazzo
M'ha dito sta mattin che l'è duretto,
N'è restoù troppo tenero ni duro.
Se, comme havei promisso,
Vorrei piggiave gusto à ro boschetto,
Incamineve pu con sto freschetto.
Mi son d'opinion,
Che, chi lascia corrí st'occasion,
Se truoeva puoe de mosche pin re muoen;
