 |
Questa pagina a no l'è stæta corretta. | |
Non può un topetto sollevá un gigante,
E tant'in sciù no va bass'armonia,
D'Appollo, Appelle, e de Lisippo è vanto
Mostrá un Lixandro in terra, in saxo, in canto.
Fra tutti ri paeisi onde son steto
In sto nostro viaggio aventuroso,
Non ho visto un si bello e si ben feto
Comme questo Viadanna gratioso;
Luoego a ro quá l'eterno Giove ha deto
Quanto natura fè de pretioso,
D'ogni regallo nobile fornio
Per ese feto da ra man de Dio.
In questo luoego ameno, e ben formoù
Cerere, e Bacco dosemente unij,
Pá ch'haggian ra buttega trasportoù
Dro bon pan e dri vin ciù savorij,
Ri fruti pin de nettare biaoù,[sic]
Da ra rozá celeste benexij,
E per finna ri spareghi in Viadanna
Chi assaza , pappa, perchè san de manna.
Cose ghe manca in fin? Cose non gh'è?
Oltre ro vin perfetto, e ro pan gianco,
Uga fresca de mazzo se ghe vè,
Comme da san Miché, ni ciù, ni manco,
Re moneghe ghe l'han comme se dè
