 |
Questa pagina a no l'è stæta corretta. | |
Pu ch'a poss'in futuro a beneplacito
Mangiá dre cose dose de continuo.
In tanto dopp'havei per sò recovero
Piggioù sto doce, e bon sigillum stomachi,
Perchè appruoevo dro doce apponto è solito
Fase d'egua lampante un po de bibita,
E così lié correndo abeverandose
All'ordinario so fonte Castalio,
Così in sprescion precipitante calamo,
Fassand'a somboron sti passi sdruccioli
Confessandove un debito perpetuo,
Conservando de vuoi doce memuoeria,
E dro scio Mecenate, e dro scio Lazaro,
Comme de reverive muoe l'è satia,
Così con toto corde a ve ringratia.
Mentre pin Giurian de docitudine
Gusta d'usá con vuoi sta gratitudine.
Improvisata per un regallo feto da lié all'autó in casa dro scio Poro Baxadonne.
Za che ra Signor'Anna,
Per fame durá un anno sto bon giorno
Con ro mezo si nobile, e si bon
D'un ottimo patron
Largamente donando a un Gaviorno,
Chi de tante suoe gratie è ro tesoro
Fa gratie a re desianse dro scio Poro.
