 |
Questa pagina a no l'è stæta corretta. | |
Si che ro caxo è in forma per aponto,
Se lé ha guastoù ra cianta in sto terren,
Den condannaro molto presto, e ben
A ciantaghen'un atro; e quest'è 'l ponto.
1
De Ciavari racconta un novellario,
Se no decrinno má ro verbo memini,
Ch'un preve e doi compagni per fá gemini
Unna lunna trovan ch'era in aquario.
2
Tutti trei con un rottoro de gnaccara
Se n'andàn li con festa, e con vittuoeria
Per mandá un poco ro zeveggio in gruoeria
Ciù che no fè ro can de scroccia, e baccara.
3
Con un mannego drito de massuoera
Ro signor Gio: Battista incommensà,
E mentre ra pistolla o carregà,
Re balle in tro stivá restàn de fuoera.
4
Si che per questa caosa, e unn'atra assì,
Che ra pistolla era de larga bocca,
Dopp'un gran stiva, fruga, dalli e tocca,
D'in bosco sensa preisa o se n'uscì.
