Pagina:Ricci176.djvu/346

Da Wikivivàgna


E comme dixe i hommi letterui,
Massime ro Petrarca in senso espresso,
Amor ha volto sottosopra spesso,
Senno più saldo, che non ha costui.

O Diavo l'è bella ch'ogni giorno
Poveri' e ricchi' ogn'un pubricamente,
Fa ro ballo de Pero Francamente,
E se ne vanta assì pe ro contorno?

E quell'atro ch'è un hommo raxoneive,
O stà a sercá cos'o n'oré trová,
Fassando a pointo per no s'impegná,
Comme Rinaldo chi no vosse beive.

Perchè per temme ogn'un, nisciun s'incalla,
Chi ciù s'invisca, chi ciù se ne trà,
Si comme fava in ro Boccaccio za,
Quella personna con re braghe in spalla.

Perchè ogn'un sà, comme ghe stà ra testa,
Mi n'ho muoé visto chì a ro criminá,
Comm'in ri atri delitti s'usa fá,
Formá un ad aures per formá l'inquesta.

Ro Giudice patisce a condanná
Cos'in ca' sò, comm'in ca' d'atri s'usa,
Oura se gente goffa un hommo accusa,
Per questo ro den subito apiccá?