 |
Questa pagina a no l'è stæta corretta. | |
Con un raggio benigno ro segonda
Per zo ve prego pe ro pagamento
De quelli pezzi sento
Che così lé reseive doe carezze
Mi ghe metto l'inguento, e vuoi re pezze.
Lustrissimo Patron
Ra mé condition
Comme ben sà Vosignoria Illustrissima
L'è sempre inclinatissima
Per fá comm'a ri hommi se conven
A sercá onde se può de mette ben
E perchè sò che lé
Comm'a ponto in Pareiso San Miché
Per fá ben, per dá gusto
Fa l'ofitio dell'angero in ro giusto
Eccave donca questa meschinassa
Chi ven trovave a cà
Che se ra cosa va
Comm'in restreito lié dixe ch'a passa
O che ra mé zucchetta no l'intende
O che sta Donna l'ha raxon da vende
Miegio contá de lié sto bello caxo
Quest'è l'histuoeria linda
Lé si, a Maria Binda
