 |
Questa pagina a no l'è stæta corretta. | |
E be' pré Zane me stava a quintá,
Ch'in sto particolá
Si ben che quest'è bella
O ne fè unna za megio ro Gonella.
Ma dim'un po Comá?
Pre metteghe mi assì o mié pittin,
Stem'un poc'a sentí se n'havei quinta,
Ch'a o naso dro Paddre iei mattin
Gh'e steto feto quattro die de zointa.
Stem'un poc'a sentí che vuoeggio dive
Così d'in pié unna frottoa da scri[v]e,
Ch'a vá giusto pre doe,
Ch'ha feto un ta Sixena,
Un serto chi va spesso a dí pre Ziena,
E lezendie pre rimma a e signoe.
No sei quello seatié
No ghe fé vuoi pu dre cazette a lié?
Un chi stà li da Banchi in quelle case?
Quello chi fè o testamento all'ase?
Si pu ch'hei inteiso in paxe, e Chaité.
Se n'ea l'aze no capivi muoé,
E ben l'ea li assì quella mattin
'Egnuo a scioase un po a Sant'Aostin.
Houa o veivi lie,
Ch'o s[c]ciuppava de rie,
E prechè in quella sò ciea magretta
O gh'ha lié assì doe die de gnaccaetta,
O se vozeia a o Paddre, e in remiao
O disse sotto 'oxe: O Padddre cao,
In fin no se puoe cré
