 |
Questa pagina a no l'è stæta corretta. | |
Viva l'aze ogn'un cria fin ch'o l'ha scioù.
Quest'onó l'è dovuo a vuoi, e a lé,
Ch'a ro mondo da un pesso d'aze in fuoe,
Re atre bestie en ninte a parei mé.
Bioù l'aze, bioù vuoi, digghe chi vuoe,
E vuoi, e l'aze ve sei missi in cé,
Se chi loda, e lodoù, vive, e non muoe.
Che me fassé dell'aze, ch'ho lodoù
Un congratulor vobis de con[sic] ben,
Ma puoe ciù a vuoi, ch'a mi gruoeria conven
D'haveiro incorruttibilificoù.
Senza quell'aze tanto nominoù
Re regginne dri scioi ra vitta den,
E ro mé aze vuoi ni ciù ni men
Con ri vostri fioretti l'hei scampoù.
Ro dá vitta a ri morti, è un gran mesté,
Vuoi ch'all'aze hei tornoù l'annima in cuoe,
Solo in buttaghe in po de scioù deré.
Vuoi ra penna menando hei feto ancuoe
Vei sgorá l'aze, donca de lengié
Per vuôi l'aze Hippogriffo dí se puoe.
Cos'accadde muoé zuoe?
