 |
Questa pagina a no l'è stæta corretta. | |
Degnand'esto tugurio miserabile
Ne lascia pin de duoeggia incogitabile.
Vosignoria Lustrissima,
Per sò me fasse gratia,
Per sentenza giustissima
De competente Giudice,
Usando pu con lié ro brosso reggio,
Per mostra d'ese amante dra giustitia,
Faghe con ra sò solita prudenza,
Portá de questo má ra penitenza.
Caro sció Michelangero Cangiaxo,
De gratia femmo un po ro conto adaxo;
Vuoi buttassi in tro conto ro cadì
Tre lire e oetto, così diggo mi,
A lire sei buttassi ro velleise
Ni manco chì fra noi saran conteise.
A quattro e nuoeve sodi l'atra seira
Vuoi buttassi ra teira,
Non mancherei de fá com'oura buoetto
Levene un che restan cinquant'oetto;
Ma d'in tra bambaxinna
Noi si corrimmo un poco de boinna,
Quaranta sette sodi hei feto apponto,
E a mi doi me ne manca a ro mé conto;
Si che se a mi o me ne manca doi,
Vorré pu che dixessi così vuoi.
