Pagina:Ricci176.djvu/158

Da Wikivivàgna

Se così gueri ciù vuoi spesseghé
In mandaghe diné,
In questo moddo chì lié ne stà miegio,
Ma s'a ve l'oe mandá, fuoera re baie,
Besuoegna mi che gh'aie,
Che ghe ro fasse, e ghe ro mette in netto,
Mentre a dixe ch'a l'ha
D'in tro sò liberetto,
E che ben presto a ve ro manderà.
Ma despiaxe assie,
Che pe ro gran da fá
Ch'ho d'in tro litigá,
Non ve posse portá ro conto mie,
Per vegní a baxá li per ogni canto
Quei sassi amati, et honorati tanto.
A ro manco, fra tanto,
Za che no posso in somma desligame,
E vegní li a sciorame,
Ro prego lié, e ra sciá Delia insemme,
Fame un brindisi semme
Quande saran da ló
Gustando quello dose de Varianna
Che così ro Segnó
Ne lascie ben suná questa campanna.


A ro Sig.r Fransesco Viá


Lustris.o Patron,
A ro patron rattin
Ho deto sta mattin,