 |
Questa pagina a no l'è stæta corretta. | |
Da noi tanto stimé comm'un tesoro,
Foscia ghe besuognava
Appointo ro Dragon, chi za guardava
Sott'un pei Camoggin ro vello d'oro?
Ma per contra in sto vostro, se no svario,
Veggo che segue tutto ro contrario,
Ch'in cangio de Dragoin,
Ve ghe stà attorno serte belle ciere,
De Ninfe casarenghe, e forestere,
Che guardia ve ghe fan da ri barcoin,
Massime quella ninfa ciù vexinna,
Che con bella manera soprafinna,
N'imprestà da inserí ro Giasemin,
E foscia ch'a n'è bella, fresca, e drua
Zovena de gran peto, e de mesua,
Corteise de natua,
Polita ben compressa, e calarua,
Che senza maraveggia
Appointo zugheré ch'a s'assemeggia,
A quella Ninfa bella, e desiá,
Che dall'eterno Giove altisonante
Con moddo stravagante
In un buoe femenin fu trasformá.
E sé comme se vuoeggie
Ve mando ro Dragon che m'havei dito,
Fevero apponde fito,
Perchè se no ghe seccherà re fuoeggie,
E puoe saccié de ciù,
Che st'herba prelibatta
Oltre che l'è si bonna in insalatta,
