 |
Questa pagina a no l'è stæta corretta. | |
(15 OTTOBRE S.ta TERESA)
Nomme gentile e câo, anchêu che lè o tö santo,
Làscime ûn pö spaziâ e vive in te l’incanto.
Lascia che dagghe sfêugo ä frëve che me piggia,
Lascite ûn pö cantâ, câo nomme de mæ figgia!...
T’ê l’alba ch’a rischiara, da vitta, o mæ cammin;
A stella chi parpella, svanindo in ta mattin.
T’ê a gemma che, in scië piante, fà a gossa de rozâ,
A pèrla ciû preziôsa che nasce in fondo a-o mâ.
Canzon d’o ventixêu, che ti te perdi ä seja,
In to profûmmo dôçe di fiöri in Primmaveja.
T’ê a mûxica sûblime cantâ da-o roscignêu,
A fede ingenua e pûra de ûn’angiôu de figgiêu!
Drento de ti, ti særi, nomme da Teresin,
Tûtto o mæ affetto intrego, l’ombra do mæ destin!
