 |
Questa pagina a no l'è stæta corretta. | |
Comme, do resto, sciâ l’aviâ sentîo,
S’arve ûn concorso d’arte dialettale,
Pe’ ûnn-a commedia — diêmo — öriginale,
In’ömaggio a ûn’attô nasciûo vestîo.
Comme patti — sciâ sà — no ghe de male:
Çinquemilla franchetti che, per Dio,
Con questa bôra neigra che gh’è in gîo,
Saieivan ûnn-a specie de cordiale!...
E pe-o travaggio in quanto — pe caitæ! —
Con ninte — sciâ me credde — o s’imbastisce:
Se piggia ûnn-a commedia in t’è scordæ,
A se remonda ben, a se polisce,
Tanto da fâla pai ’nn-a novitæ
A-o pûblico mincion... chi no capisce!...
Zena, 19 Marzo 1932.
