 |
Questa pagina a no l'è stæta corretta. | |
Drento de quelle quattro pövie rimme
Che, in memöja da Rina, t’ö mandôu,
Famme tanto o piaxei, rispondi e dimme
Se quarcôsa de ben ti gh’æ attrovôu.
Dimme se degne son do sö ritræto,
E l’anima chi parla a te pâ a sêu;
Se, drento a quelle rimme che t’hö fæto,
Un frèmmito ti senti do sö chêu.
Se ti gh’attrêuvi tûtto o sentimento
Che a voxe de tö figgia a poeiva dîte;
Dimme se tì, lezendo, ti n’hæ cento....
Comm’hö cento mi ascì, quande l’hö scrîte!
