 |
Questa pagina a no l'è stæta corretta. | |
)(189 )(
AI ZENEIXI
SONETTO
Ma bravi! ma benone! çittadin,
Aoa sci che conoscio in mæ veitæ
Che seî vëi figgi de Zeneixi poæ,
Ch'eî un'anima greca, un coêu latin.
O momento feliçe o l'è vexin
Che respiriâ l'Italia in libertæ,
Ve n'asseguâ per mi de Cristo a moæ,
Custode de Liguria e di Appennin.
Unîve in massa, e a chi ve vêu fâ mâ,
D'ogni cô, de qualunque religion,
Turco, Russo. . . ., Tedesco, Provençâ,
Pestæghe e corne senza discrezion ! !
E se nisciûn savesse començâ
Domandiö de revive a permiscion.
F. L.
