 |
Questa pagina a l'è stæta corretta. | |
―10―
aoa ûn momento, ma bezeugna che vadde sûbito sciû.
Ber. (volendola prendere in vita). Vêgni ûn pö chi.
Clot. (ritirandosi) E aoa? e aoa? e man a posto, no femmo scene!
Ber. Eh no te mangio miga! cose ti æ puïa?
Clot. Ti ti é sempre o mæximo matto e ti no sæ piggiâ e cose pe-o so verso.
Ber. Ma se mi. (c. s.)
Clot. (c. s.) Finiscila o me ne vaddo... Se ti no m’æ atro da dî, tanto fa che ti no fosci vegnûo... presto dunque, ti m’æ da dî ninte?
Ber. (impazientito) Eh se ti é sprescia camminn-a... ghe n’ho mille cose da dî, ma aoa no me sovvegno ciû.
Clot. Perchè ëan tutte böxïe... mi invece t’ho da parlâ pe un’öa... ma aoa no gh’è tempo. Staséja ti vêgni?
Ber. Ma aloa l’è manco inutile che ti seggi vegnûa; cose ti me voevi dî?
Clot. Mi co-a sprescia no son bonn-a.
Ber. Ti n’æ de puïe... cose ti vêu che ne faççan?
Clot. Se ne vedde to pappà?
Ber. E mi che o me vedde! me ne façço ben do bello.
Clot. E intanto solo che o respïe ti scceuppi dä puïa.
