 |
Questa pagina a no l'è stæta corretta. | |
Oh! oh! disse a Formigoa,
No son ciù desgûstâ!
O costa troppo cäo
Chi a-o mondo vêu figûâ?
Oh! comme son reginn-a
D’ëse brûtta e picinn-a!
Ecco cose fa a bellessa,
E andâ sempre a fâse ammiâ:
Quanto mëgio l'è a saviessa,
E o stâ in casa a travaggiâ.
Un Roscignêu e ûn Fanetto,
Ean tûtti duî in prexon
In t’ûnn-a bella gaggia
Appeizi da ûn barcon.
O Roscignêu o passava
A raggia con cantâ,
Cacciando çerti trilli
Da fâ strasecolâ;
In casa e fêua de casa,
E gente che passavan
A quello bello canto
Co-a bocca averta stavan.
