 |
Questa pagina a no l'è stæta corretta. | |
Sûnetto.
Recipe ûn bello pesso de vitella
Da mette a rosto per fâ ûn bon tocchetto;
Recipe da tettinn-a, ûnn-a çervella,
Laccetti, poca môula, e assæ do fietto;
Recipe da buraxa fresca, e bella,
Cuccoîn de pulla freschi, ûn retaggetto
De säsissa da amixi, e ûn pö de quella
Prescinsêua de Paiscion passâ a-o siassetto:
Misce et Remisce ben ciù che ti pêu
Omnia confusim drento in to mortâ,
Et extende de pasta ûn gran lensêu;
Fanne de ballettinn-e cö cûggiâ,
Applica, crêuvi, taggia, son raviêu
Da chêuxe, et tamquam pilloe da collâ.
