 |
Questa pagina a no l'è stæta corretta. | |
De casa! gh’è nisciûn? Chi gh'e? Tommôu!
Gran seccatô! vannighe a dî che ho mâ:
O Patron o l’è in letto incommodôu,
O no riçeive — ghe vegniö a tastâ
O pöso — mëze scäe o l’ha zà montôu!
Digghe che staggo pezo — no stæ andâ
Che o delira meschin! o s’è aggravôu!
Ghe dö ûn medicamento — o l’è pe intrâ
Digghe che son pe moî! — o l’ha o muro tiôu,
O no campa mëz’öa! — vegniö a pregâ
Per lê o Segnô — ne-a sala o l’è zà intrôu!
Vagghe a dî che son morto — in to stranûâ
Se gh’è streppôu ûnn-a venn-a! o l’è creppôu!
Vegniö per confortäve, e pe aggiûttâ...
O vêu vegni de filo, aoa s’infia,
Vannighe a dî che o diao m’ha portôu via!
