 |
Questa pagina a no l'è stæta corretta. | |
Duî compagni ancon de schêua,
Che no s’ëan mai ciù incontræ,
S’intoppon all’Accasêua,
E se son presto baxæ;
Ti stæ ben? l’ûn disse all’atro. —
Coscì là; me son majôu; —
Me rallegro — Ah no! che pe atro
Un serpente m’è toccôu; —
Me rincresce, amigo, assæ; —
Oh ma no! perchè m’ha dæto
Mille doppie in boîn dinæ; -
Bon negozio allöa ti hæ fæto;
Oh per ninte, perchè i ho
Impieghæ tûtti in bestiamme,
Che ûnn-a nêutte, mi no so,
O me moì de freido, o famme; —
