 |
Questa pagina a no l'è stæta corretta. | |
No so in che Universcitæ
Gh’ëa ûn stûdente bravo assæ,
Chi s’andò a fâ examinâ,
Per magnifico passâ
Da ûn Congresso de Dottoî
Bravi, e vegi Professoî.
Ghe domanda o Prescidente:
Sciä me digghe, Sciö Stûdente,
Se sciä andasse a vixitâ
Un chi no poëse mai sûâ,
Che rimedio sciä ghe dæ,
Perchè o sûasse presto, e assæ?
Gh’ordinieivo de bevande
De sambûgo, e d’orzo in grande.
Ma se queste no servissan,
E che i pori no s’arvissan?
