 |
Questa pagina a no l'è stæta corretta. | |
Treì Amixi, e ûnn-a Comâ
Se n’andòn in posta a fâ
A Milan Carnevalon.
Fra e provviste che portòn
Gh’ea træ o quattro bottiggette
De Le-Roâ co-e so etichette
Pûrgativo e vomitivo,
Con scigilli a fêugo vivo
Che ficcòn dentro e borsette
Da carrossa, e camminando
Mastûgando, e ciarlattando
Finalmente s'addormìn;
Quando fùn passôu Pavia
Incontròn i assascin;
Là gh’e i Laddri! o vettuîn cria
Lö se sveggian spaventæ,
E se veddan circondæ
Da cottelli, e carrubbin,
E da mostri che sbraggiavan
Dinæ o vitta! e minacciavan.
