 |
Questa pagina a no l'è stæta corretta. | |
Duî Buscietti co-a testa meza peâ
Veddan ne-o passeggiâ lûxî per tæra
Un pezzetto d’avorio, ognûn piggiâ
Se o vêu per lê, se dan, ognûn s’affæra
A-i cavelli dell’atro, e con restâ
Do tûtto peæ finì quella gran guæra:
Ma perchè tante botte poi s’han dæto?
Pe un pëtene per lô inûtile affæto!
A RONDANINN-A E I OXELLETTI.
Unn-a votta a Rondaninn-a,
Quando o lin se semmenava,
A l’andò da-i Oxelletti,
Per so ben a i conseggiava
De pittâ tûtta a semenza,
Ma nisciûn ghe dè creddenza.
Doppo dexe, o duzze giorni,
Nascè o lin, da lô a tornò,
De mangiâlo, o de guastâlo
Nêuvamente a i conseggiò;
Ma nisciûn ghe desse mente,
E a ciammòn impertinente;
