Pagina:Piaggio Poexie zeneize 1846.djvu/740

Da Wikivivàgna
A Villezzatûa


Bella cosa andâ in Campagna
In t’ûn scito de montagna
A respiâ ûn pö d’aja pûa,
Senza sciäto e senza pûa!

Bello göde a libertæ,
Sciortî mëzi despûggiæ
Da tûtt’ôe quando se vêu,
Senza dâ, o aveì soggezion,
E mangiâ quello boccon
Chi ve tocca proprio o coêu!

Bello acchêugge de mattin
Lagrimoso o brigiasotto
Co-a camixa e o collo rotto,
Pittâ un pö de vermentin,
Destaccâse o perseghetto,
Desteggâse o poiscettin,
Pellûccâse o broccoletto,
E taggiâ l’articiocchinn-a
Pe affettâ in ta frïtadinn-a!...