 |
Questa pagina a no l'è stæta corretta. | |
Template:Liomâ caa, son tosto scemma,
No me serve ciù a mæ flemma,
Perdo a testa, vegno alloâ...
Ma lascæme un pö sfogâ,
Perchè dunque, Cattainin,
Mêuo cö göscio da-o venin:
Seì che stavo in Vallicæa,
Tempi fa, pe-a mæ gallinn-a
Me son dæta co-a vexinn-a,
L'ho inciagâ co-a cassaræa;
Feì fangotti fito fito,
M'ho çercòu ûn atro scito,
Ho stramûôu, e me son tiâ
Verso a ciassa da Nunziâ.
Oh che sciäto se ghe sente
Nêutte e di continuamente!
Che sussûro e ramaddan!
Ghe pâ o bosco de baccan!...
